ਪੰਜਾਬੀ ਸੂਫੀ ਗਾਇਕ Satinder Sartaaj ਵਿਵਾਦਾਂ ਵਿੱਚ ਘਿਰੇ ਆਪਣੇ ਸੰਗੀਤ ਕਾਰਨ ਨਹੀਂ, ਸਗੋਂ ਉਸ ਨੂੰ ਮਿਲੀ ਪਛਾਣ ਕਾਰਨ। Satinder Sartaaj ਨੇ ਹਿਮਾਚਲ ਪ੍ਰਦੇਸ਼ ਵਿੱਚ ਇੱਕ ਸਮਾਗਮ ਵਿੱਚ ਸ਼ਿਰਕਤ ਕੀਤੀ, ਜਿੱਥੇ ਉਸਨੂੰ ਸਨਮਾਨ ਚਿੰਨ੍ਹ ਵਜੋਂ ਹਿਮਾਚਲੀ ਟੋਪੀ ਦਿੱਤੀ ਗਈ।
ਹਾਲਾਂਕਿ, ਉਸਨੇ ਆਪਣੀ ਪੱਗ ਦੇ ਉੱਪਰ ਟੋਪੀ ਰੱਖੀ, ਜਿਸ ਕਰਕੇ ਇਸ ਦਾ ਵਿਰੋਧ ਹੋ ਰਿਹਾ ਹੈ। ਇਸ ਦੇ ਨਾਲ ਹੀ BJP ਦੇ ਬੁਲਾਰੇ Pritpal Singh ਨੇ ਇਸ ਫੋਟੋ ਨੂੰ ਟਵੀਟ ਕਰਕੇ ਦੋਸ਼ ਲਾਇਆ ਹੈ ਕਿ ਹਿਮਾਚਲ ਕਾਂਗਰਸ ਨੇ ਸਿੱਖਾਂ ਦੀਆਂ ਪੱਗਾਂ ਦਾ ਨਿਰਾਦਰ ਕੀਤਾ ਹੈ।
Pritpal Singh ਨੇ ਸਵਾਲ ਕੀਤਾ ਕਿ “ਕਿਉਂ ਬਾਰ ਬਾਰ ਹਿਮਾਚਲ ਕਾਂਗਰਸ ਦੇ ਨੇਤਾ ਸਨਮਾਨ ਦੀ ਆੜ ‘ਚ ਦਸਤਾਰ ਦੇ ਉੱਤੇ ਟੋਪੀ ਰੱਖ ਦਸਤਾਰ ਦੀ ਬੇਅਦਬੀ ਕਰਦੇ? ਚਰਨਜੀਤ ਸਿੰਘ ਚੰਨੀ ਤੋਂ ਬਾਅਦ Satinder Sartaaj ਨੂੰ ਵੀ ਬੇਇੱਜ਼ਤੀ ਦਾ ਸਾਹਮਣਾ ਕਰਨਾ ਪਿਆ, ਰਾਹੁਲ ਗਾਂਧੀ ਤੁਸੀ ਸੱਚੇ ਸੀ ਦਸਤਾਰ ਦੀ ਬੇਅਦਬੀ ਹੁੰਦੀ ਹੈ ਜਿੱਥੇ ਕਾਂਗਰਸ ਦੀ ਸਰਕਾਰ ਹੋਵੇ !
Sartaaj ਤੁਹਾਨੂੰ ਟੋਪੀ ਤੋ ਪੱਗ ਤੱਕ ਦਿੱਤੀਆ ਕੁਰਬਾਨੀਆ ਦੱਸਣ ਦੀ ਲੋੜ ਨਹੀ ! ਦਸਤਾਰ ਬੰਨੀ ਹੈ ਤਾਂ ਸੁੰਭਾਲਣੀ ਵੀ ਸਿੱਖੋ। ਪ੍ਰਤਾਪ ਬਾਜਵਾ ਨੂੰ ਹਿਮਾਚਲ ਦੇ ਕਾਂਗਰਸੀ ਮੈਂਬਰਾਂ ਨੂੰ ਇਸ ਵਿਰੁੱਧ ਸਲਾਹ ਦੇਣੀ ਚਾਹੀਦੀ ਹੈ। ਇਸ ਤਸਵੀਰ ‘ਚ ਹਿਮਾਚਲ ਵਿਧਾਨ ਸਭਾ ਦੇ ਸਪੀਕਰ ਕੁਲਦੀਪ ਪਠਾਨੀਆ ਅਤੇ ਰਾਜ ਮੰਤਰੀ ਦੇ ਚੇਅਰਮੈਨ ਵਿਸ਼ਾਲ ਚੰਬਿਆਲ Sartaaj ਦੇ ਨਾਲ ਖੜ੍ਹੇ ਦਿਖਾਈ ਦੇ ਰਹੇ ਹਨ।
