“ਟੀ-20 ਵਿਸ਼ਵ ਕੱਪ 2024” ਦੇ ਲਈ ਟਿਕਟਾਂ ਦੀ ਵਿਕਰੀ ਸ਼ੁਰੂ ਹੋ ਗਈ ਹੈ। ਇਹ ਵਿਕਰੀ ਪਬਲਿਕ ਟਿਕਟ ਬੈਲਟ ਦੇ ਤਹਿਤ ਕੀਤੀ ਜਾ ਰਹੀ ਹੈ, ਨਾ ਕੀ ਪਹਿਲਾਂ ਆਓ-ਪਹਿਲਾਂ ਪਾਓ ਨਿਯਮ ਦੇ ਅਨੁਸਾਰ। ਇਸ ਦੇ ਨਾਲ ਹੀ ਹੁਣ ਆਮ ਫੈਨਜ਼ ਨੂੰ ਵੀ ਟਿਕਟ ਮਿਲਣ ਦੀ ਪੂਰੀ-ਪੂਰੀ ਗੁੰਜਾਇਸ਼ ਹੈ।
ਇਸ ਸਭ ਤੋਂ ਵੱਡੇ ਟੀ-20 ਵਿਸ਼ਵ ਕੱਪ ਵਿੱਚ ਕੁੱਲ 55 ਮੁਕਾਬਲੇ ਖੇਡੇ ਜਾਣੇ ਹਨ ਅਤੇ ਇਹ ਸਾਰੇ ਮੈਚ ਕੁੱਲ 9 ਸ਼ਹਿਰਾਂ ਵਿੱਚ ਆਯੋਜਿਤ ਕੀਤੇ ਜਾਣਗੇ। ਇਨ੍ਹਾਂ ਸ਼ਹਿਰਾਂ ਵਿੱਚ ਅਮਰੀਕਾ ਦੇ ਤਿੰਨ ਤੇ ਵੈਸਟਇੰਡੀਜ਼ ਦੇ 6 ਸ਼ਹਿਰ ਸ਼ਾਮਿਲ ਹਨ। ਇਸ ਸਾਲ ਅਮਰੀਕਾ ਤੇ ਵੈਸਟਇੰਡੀਜ਼ ਦੀ ਮੇਜ਼ਬਾਨੀ ਵਿੱਚ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ 2024 ਨੂੰ ਲੈ ਕੇ ਟਿਕਟਾਂ ਦੀ ਬੁਕਿੰਗ 7 ਫਰਵਰੀ ਤੱਕ ਜਾਰੀ ਰਹੇਗੀ।
ਇਹ ਵਿਸ਼ਵ ਕੱਪ 11 ਤੋਂ 29 ਜੂਨ ਦੇ ਵਿਚਾਲੇ ਖੇਡਿਆ ਜਾਵੇਗਾ। ਹਰ ਟਿਕਟ ਦੀ ਕੀਮਤ ਵੱਖ-ਵੱਖ ਕੈਟੇਗਰੀ ਦੇ ਮੁਤਾਬਕ ਅਲੱਗ-ਅਲੱਗ ਹੈ।ਜ਼ਿਕਰਯੋਗ ICC ਦੇ ਨਿਯਮਾਂ ਮੁਤਾਬਕ ਇੱਕ ਵਿਅਕਤੀ ਇੱਕ ਮੈਚ ਦੀਆਂ ਵੱਧ ਤੋਂ ਵੱਧ 6 ਟਿਕਟਾਂ ਖ਼ਰੀਦ ਸਕਦਾ ਹੈ। ਇਸ ਤਰ੍ਹਾਂ ਉਹ ਕਿੰਨੇ ਵੀ ਮੈਚਾਂ ਦੀਆਂ ਟਿਕਟਾਂ ਬੁੱਕ ਕਰ ਸਕਦਾ ਹੈ।
ਇਸ ਦੌਰਾਨ ਸਭ ਤੋਂ ਘੱਟ ਕੀਮਤ ਦੀਆਂ ਟਿਕਟਾਂ ਦੀ ਕੀਮਤ ਘੱਟ ਤੋਂ ਘੱਟ 6 ਡਾਲਰ (ਕਰੀਬ 500 ਰੁਪਏ) ਰੱਖੀ ਗਈ ਹੈ। ਗਰੁੱਪ ਸਟੇਜ, ਸੁਪਰ-8 ਤੇ ਸੈਮੀਫਾਈਨਲ ਤੱਕ ਦੇ 2.60 ਲੱਖ ਤੋਂ ਜ਼ਿਆਦਾ ਟਿਕਟਾਂ ਜਾਰੀ ਕੀਤੀਆਂ ਗਈਆਂ ਹਨ।
