ਡਾ. ਰਵੀ ਕੁਮਾਰ ਮਹਾਜਨ ISCLP&CA ਦੇ ਉਪ ਪ੍ਰਧਾਨ ਚੁਣੇ ਗਏ, ਮੁੰਬਈ ਕਾਨਫਰੰਸ ਵਿੱਚ ਹੋਈ ਚੋਣ
ਅਗਲੇ ਸਾਲ ਬਣਣਗੇ ਪ੍ਰਧਾਨ; ਨੇਸ਼ਨਲ ਕਲੀਫਟ ਕਾਂਗਰਸ 2027 ਅੰਮ੍ਰਿਤਸਰ ਵਿੱਚ ਹੋਵੇਗੀ
ਮਸ਼ਹੂਰ ਪਲਾਸਟਿਕ ਸਰਜਨ ਡਾ. ਰਵੀ ਕੁਮਾਰ ਮਹਾਜਨ ਨੂੰ ਇੰਡੀਆਨ ਸੋਸਾਇਟੀ ਆਫ ਕਲੀਫਟ ਲਿਪ, ਪੈਲਟ ਐਂਡ ਕ੍ਰੇਨਿਓਫੇਸ਼ੀਅਲ ਐਨੋਮਲੀਜ਼ (ISCLP&CA) ਦਾ ਉਪ ਪ੍ਰਧਾਨ ਚੁਣਿਆ ਗਿਆ ਹੈ। ਇਹ ਚੋਣ ਮੁੰਬਈ ਦੇ ਬੌਂਬੇ ਹਸਪਤਾਲ ਵਿੱਚ ਹੋਈ ਇੰਡੋਕਲੀਫਟ 2025 ਕਾਨਫਰੰਸ ਵਿੱਚ ਹੋਈ।
ਡਾ. ਮਹਾਜਨ, ਜੋ ਕਿ ਪੁਨਰ ਨਿਰਮਾਣ ਸਰਜਰੀ ਦੇ ਖੇਤਰ ਵਿੱਚ ਇੱਕ ਸਤਿਕਾਰਤ ਨਾਮ ਹੈ, ਅਗਲੇ ਕਾਰਜਕਾਲ ਵਿੱਚ ਆਪਣੇ ਆਪ ਹੀ ISCLP&CA ਦੇ ਪ੍ਰਧਾਨ ਦੀ ਭੂਮਿਕਾ ਸੰਭਾਲਣਗੇ। ਉਨ੍ਹਾਂ ਦੀ ਆਉਣ ਵਾਲੀ ਅਗਵਾਈ ਹੇਠ, ਸੁਸਾਇਟੀ ਨੇ ਇਹ ਵੀ ਐਲਾਨ ਕੀਤਾ ਹੈ ਕਿ ਨੈਸ਼ਨਲ ਕਲੈਫਟ ਕਾਂਗਰਸ 2027 ਮਾਰਚ/ਅਪ੍ਰੈਲ 2027 ਵਿੱਚ ਅੰਮ੍ਰਿਤਸਰ ਵਿੱਚ ਆਯੋਜਿਤ ਕੀਤੀ ਜਾਵੇਗੀ, ਜੋ ਕਿ ਇਸ ਖੇਤਰ ਅਤੇ ਕਲੈਫਟ ਕੇਅਰ ਭਾਈਚਾਰੇ ਲਈ ਇੱਕ ਮਹੱਤਵਪੂਰਨ ਮੀਲ ਪੱਥਰ ਹੈ।
ਚੋਣ ਮੁੱਖ ਚੋਣ ਅਧਿਕਾਰੀ ਡਾ. ਨਿਤਿਨ ਮੋਕਲ ਦੀ ਦੇਖ-ਰੇਖ ਵਿੱਚ ਹੋਈ ਅਤੇ ਨਤੀਜੇ ਸੰਸਥਾ ਦੇ ਮੈਂਬਰਾਂ ਅਤੇ ਅਧਿਕਾਰੀਆਂ ਦੀ ਮੌਜੂਦਗੀ ਵਿੱਚ ਐਲਾਨੇ ਗਏ।
ਇਸ ਮੌਕੇ ‘ਤੇ ਡਾ. ਰਵੀ ਕੁਮਾਰ ਮਹਾਜਨ ਨੇ ਕਿਹਾ:
“ISCLP&CA ਦਾ ਉਪ ਪ੍ਰਧਾਨ ਬਣਨਾ ਮੇਰੇ ਲਈ ਵੱਡਾ ਮਾਣ ਹੈ। ਮੈਂ ਚਾਹੁੰਦਾ ਹਾਂ ਕਿ ਸਾਰੇ ਭਾਰਤ ਵਿੱਚ ਮਿਲ ਕੇ ਹੋੰਠ ਅਤੇ ਚਿਹਰੇ ਦੀ ਸਮੱਸਿਆ ਵਾਲੇ ਮਰੀਜ਼ਾਂ ਦਾ ਵਧੀਆ ਇਲਾਜ, ਰਿਸਰਚ ਅਤੇ ਟ੍ਰੇਨਿੰਗ ਹੋਵੇ। ਅੰਮ੍ਰਿਤਸਰ ਵਿੱਚ ਹੋਣ ਵਾਲੀ ਨੇਸ਼ਨਲ ਕਲੀਫਟ ਕਾਂਗਰਸ ਇੱਕ ਵੱਡਾ ਮੌਕਾ ਹੋਵੇਗੀ, ਜਿੱਥੇ ਮਾਹਿਰ ਮਿਲ ਕੇ ਮਰੀਜ਼ਾਂ ਦੀ ਚੰਗੀ ਦੇਖਭਾਲ ਲਈ ਕੰਮ ਕਰਨਗੇ।”
ਇਸ ਖ਼ਬਰ ਦਾ ਖ਼ਾਸਕਰ ਉੱਤਰੀ ਭਾਰਤ ਵਿੱਚ ਗਰਮਜੋਸ਼ੀ ਨਾਲ ਸੁਆਗਤ ਹੋਇਆ ਹੈ ਅਤੇ ਲੋਕ 2027 ਵਿੱਚ ਹੋਣ ਵਾਲੇ ਇਸ ਵੱਡੇ ਪ੍ਰੋਗਰਾਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਅਮਨਦੀਪ ਹਸਪਤਾਲ ਨੇ 5 ਬੈੱਡ ਤੋਂ ਸ਼ੁਰੂਆਤ ਕਰਕੇ 750 ਬੈੱਡ ਤੱਕ ਵਾਧਾ ਕੀਤਾ ਹੈ। ਹੁਣ ਇਸ ਹਸਪਤਾਲ ਵਿੱਚ 170 ਤੋਂ ਵੱਧ ਤਜਰਬੇਕਾਰ ਸਰਜਨ ਅਤੇ ਡਾਕਟਰ ਹਨ, ਜਿਨ੍ਹਾਂ ਨੇ ਹੁਣ ਤੱਕ 5 ਲੱਖ ਤੋਂ ਵੱਧ ਜ਼ਿੰਦਗੀਆਂ ਬਦਲੀ ਹਨ।
ਹਸਪਤਾਲ ਦਾ ਉਦੇਸ਼ 2031 ਤੱਕ 3500 ਬੈੱਡ ਦੀ ਸਮਰੱਥਾ ਪ੍ਰਾਪਤ ਕਰਨਾ ਹੈ।
