ਐਲਵੀਸ਼ ਯਾਦਵ ਦੀ ਗ੍ਰਿਫਤਾਰੀ ਤੋਂ ਬਾਅਦ, ਪੁਲਿਸ ਨੇ ਹੁਣ ਮੁਨੱਵਰ ਫਾਰੂਕੀ ਨੂੰ ਹੁੱਕਾ ਪਾਰਲਰ ਰੇਡ ਦੇ ਮਾਮਲੇ ‘ਚ ਹਿਰਾਸਤ ‘ਚ ਲੈ ਲਿਆ ਹੈ। ਮੁਨੱਵਰ ਦੇ ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਦੀ ਹਿਰਾਸਤ ਦੀ ਖਬਰ ਸੁਣ ਕੇ ਉਨ੍ਹਾਂ ਲਈ ਚਿੰਤਾ ਪ੍ਰਗਟ ਕੀਤੀ ਹੈ। ਇਸ ਦੇ ਨਾਲ ਹੀ ਮੁਨੱਵਰ ਅਕਸਰ ਵਿਵਾਦਾਂ ‘ਚ ਘਿਰੇ ਰਹਿੰਦੇ ਹਨ, ਮੁਨੱਵਰ ਦਾ ਨਾਮ ਛਾਪੇਮਾਰੀ ਦੇ ਮਾਮਲੇ ‘ਚ ਜੁੜੇ ਹੋਣ ਕਾਰਨ ਉਸਦੇ ਸਮਰਥਕਾਂ ‘ਚ ਚਿੰਤਾ ਪੈਦਾ ਹੋ ਗਈ ਹੈ।
ਜ਼ਿਕਰਯੋਗ, ਮੁਨੱਵਰ ਨੂੰ 13 ਹੋਰਾਂ ਦੇ ਨਾਲ ਹਿਰਾਸਤ ‘ਚ ਲਿਆ ਗਿਆ ਸੀ ਪਰ ਬਾਅਦ ‘ਚ ਪੁੱਛਗਿੱਛ ਤੋਂ ਬਾਅਦ ਛੱਡ ਦਿੱਤਾ ਗਿਆ ਸੀ। ਪੁਲਿਸ ਨੇ ਫੋਰਟ ਖੇਤਰ ‘ਚ ਛਾਪੇਮਾਰੀ ਕੀਤੀ ਜਿੱਥੇ ਉਨ੍ਹਾਂ ਨੂੰ 4400 ਰੁਪਏ ਦੀ ਕੀਮਤ ਦੇ ਪਾਬੰਦੀਸ਼ੁਦਾ ਨਿਕੋਟੀਨ ਵਾਲੇ ਤੰਬਾਕੂ ਉਤਪਾਦਾਂ ਵਾਲੇ ਨੌਂ ਹੁੱਕੇ ਦੇ ਬਰਤਨ ਮਿਲੇ। ਘਟਨਾ ਸਥਾਨ ‘ਤੇ ਮੌਜੂਦ ਹਰ ਵਿਅਕਤੀ ਦੀ ਜਾਂਚ ਕੀਤੀ ਗਈ, ਮੁਨੱਵਰ ਦਾ ਟੈਸਟ ਨਤੀਜਾ ਵੀ ਪਾਜ਼ੇਟਿਵ ਆਇਆ।
ਇਸ ਤੋਂ ਇਲਾਵਾ ਮੁਨੱਵਰ ਫਾਰੂਕੀ ਅਤੇ ਹੋਰਾਂ ‘ਤੇ ਸਿਗਰੇਟ ਅਤੇ ਤੰਬਾਕੂ ਉਤਪਾਦ ਐਕਟ ਦੇ ਨਾਲ-ਨਾਲ ਪੀ.ਸੀ.ਏ. ਦੀ ਧਾਰਾ 283 ਅਤੇ 336 ਦੇ ਤਹਿਤ ਦੋਸ਼ ਲਗਾਏ ਗਏ ਸਨ। ਰਿਹਾਅ ਹੋਣ ਤੋਂ ਬਾਅਦ, ਫਾਰੂਕੀ ਨੇ ਹਵਾਈ ਅੱਡੇ ‘ਤੇ ਆਪਣੀ ਇਕ ਤਸਵੀਰ ਪੋਸਟ ਕੀਤੀ, ਜਿਸ ‘ਚ ਕਿਹਾ ਗਿਆ ਸੀ ਕਿ ਉਹ ਸਫਰ ਕਰਕੇ ਥੱਕ ਗਿਆ ਹੈ। ਇਸ ਦੇ ਬਾਵਜੂਦ ਉਹ ਫੋਟੋ ‘ਚ ਰਿਲੈਕਸ ਅਤੇ ਤਣਾਅ ‘ਚ ਨਹੀਂ ਦਿੱਖੇ।
