ਕੁੱਤਿਆਂ ਦੇ ਹਮਲਿਆਂ ਕਾਰਨ ਵਧ ਰਹੀਆਂ ਮੌਤਾਂ ਦੇ ਜਵਾਬ :ਚ, ਭਾਰਤ ਸਰਕਾਰ ਨੇ ਰਾਜਾਂ ਨੂੰ 23 ਖਾਸ ਕੁੱਤਿਆਂ ਦੀਆਂ ਨਸਲਾਂ, ਜਿਵੇਂ ਕਿ ਪਿਟ ਬੁੱਲ ਟੈਰੀਅਰ, ਅਮਰੀਕਨ ਬੁਲਡੋਗ, ਰੋਟਵੀਲਰ ਅਤੇ ਮਾਸਟਿਫ ਦੀ ਵਿਕਰੀ ਅਤੇ ਪ੍ਰਜਨਨ ‘ਤੇ ਪਾਬੰਦੀ ਲਗਾਉਣ ਦੇ ਨਿਰਦੇਸ਼ ਦਿੱਤੇ ਹਨ। ਜ਼ਿਕਰਯੋਗ, ਪਸ਼ੂ ਪਾਲਣ ਕਮਿਸ਼ਨਰ ਦੀ ਅਗਵਾਈ ਵਾਲੀ ਇਕ ਮਾਹਰ ਕਮੇਟੀ ਨੇ ਇਨ੍ਹਾਂ ਨਸਲਾਂ ਨਾਲ ਸਬੰਧਤ ਕੁੱਤਿਆਂ ਦੀ ਦਰਾਮਦ ‘ਤੇ ਪਾਬੰਦੀ ਲਗਾਉਣ ਦਾ ਸੁਝਾਅ ਦਿੱਤਾ ਹੈ।
ਇਸ ਦੌਰਾਨ ਕੇਂਦਰ ਨੇ ਪੇਟਾ ਇੰਡੀਆ ਦੀ ਅਪੀਲ ਅਤੇ ਦਿੱਲੀ ਹਾਈ ਕੋਰਟ ‘ਚ ਦਾਇਰ ਇੱਕ ਪਟੀਸ਼ਨ ਦਾ ਜਵਾਬ ਦਿੱਤਾ ਹੈ ਜਿਸ ‘ਚ ਸਥਾਨਕ ਸੰਸਥਾਵਾਂ ਅਤੇ ਪਸ਼ੂ ਪਾਲਣ ਵਿਭਾਗ ਨੂੰ ਲੁਪਤ ਹੋ ਰਹੀਆਂ ਕੁੱਤਿਆਂ ਦੀਆਂ ਨਸਲਾਂ ਦੇ ਪ੍ਰਜਨਨ ਅਤੇ ਵਿਕਰੀ ‘ਤੇ ਪਾਬੰਦੀ ਲਗਾਉਣ ਦੀ ਅਪੀਲ ਕੀਤੀ ਗਈ ਹੈ। ਕੋਈ ਵਾਧੂ ਲਾਇਸੰਸ ਨਹੀਂ ਦਿੱਤੇ ਜਾਣਗੇ ਜਾਂ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ।
ਇਸ ਦੇ ਨਾਲ ਹੀ ਉਨ੍ਹਾਂ ਸੁਝਾਅ ਦਿੱਤਾ ਗਿਆ ਹੈ ਕਿ ਜਿਹੜੇ ਵਿਅਕਤੀ ਇਨ੍ਹਾਂ ਨਸਲਾਂ ਦੇ ਕੁੱਤੇ ਰੱਖਦੇ ਹਨ ਉਨ੍ਹਾਂ ਨੂੰ ਹੋਰ ਪ੍ਰਜਨਨ ਨੂੰ ਰੋਕਣ ਲਈ ਨਸਬੰਦੀ ਕੀਤੀ ਜਾਣੀ ਚਾਹੀਦੀ ਹੈ। ਕੇਂਦਰ ਨੇ ਡੌਗ ਬਰੀਡਿੰਗ ਅਤੇ ਮਾਰਕੀਟਿੰਗ ਨਿਯਮ, 2017 ਅਤੇ ਪੇਟ ਸ਼ਾਪ ਨਿਯਮ, 2018 ਨੂੰ ਸਖਤੀ ਨਾਲ ਲਾਗੂ ਕਰਨ ਲਈ ਕਿਹਾ ਹੈ। ਪੇਟਾ ਇੰਡੀਆ ਤੋਂ ਸ਼ੌਰਿਆ ਅਗਰਵਾਲ ਨੇ ਲੋਕਾਂ ਦੀ ਸੁਰੱਖਿਆ ਲਈ ਪਿਟਬੁਲਜ਼ ‘ਤੇ ਪਾਬੰਦੀ ਲਗਾਉਣ ਦੇ ਸਰਕਾਰ ਦੇ ਫੈਸਲੇ ਦੀ ਸ਼ਲਾਘਾ ਕੀਤੀ।
ਇਸ ਤੋਂ ਇਲਾਵਾ ਅਮਰੀਕਾ, ਯੂਕੇ, ਜਰਮਨੀ, ਡੈਨਮਾਰਕ, ਸਪੇਨ, ਕੈਨੇਡਾ, ਇਟਲੀ ਅਤੇ ਫਰਾਂਸ ਸਮੇਤ 41 ਦੇਸ਼ਾਂ ‘ਚ ਪਿਟਬੁੱਲ ‘ਤੇ ਪਾਬੰਦੀ ਹੈ। ਜ਼ਿਕਰਯੋਗ, ਬਹੁਤ ਸਾਰੇ ਦੇਸ਼ ਰਿਹਾਇਸ਼ੀ ਖੇਤਰਾਂ ‘ਚ ਇਹਨਾਂ ਕੁੱਤਿਆਂ ਨੂੰ ਰੱਖਣ ਦੀ ਮਨਾਹੀ ਕਰਦੇ ਹਨ। ਕੁੱਤਿਆਂ ਦੀਆਂ ਕੁਝ ਨਸਲਾਂ, ਜਿਵੇਂ ਕਿ Pitbull Terriers, Tosa Inu, American Staffordshire Terrier, Fila Brasileiro, Dogo Argentino, American Bulldog, Boerboel, Kangal, Tarnjack, Bandog, Sarplaninac, Japanese Tosa, Akita, Mastiffs, Ratweiler, Rhodesian Ridgeback, Canario, Canario, Whodesian Ridgeback, Canario Guest, Dogo Argentino, German Shepherd ਆਦਿ ਕੁੱਤਿਆਂ ‘ਤੇ ਪਾਬੰਦੀ ਲਗਾਈ ਗਈ ਹੈ।
