ਸੰਸਦ ਮੈਂਬਰ Gurjeet Singh Aujla ਨੇ ਕੱਲ੍ਹ ਪੰਜਾਬ ਦੇ ਰਾਜਪਾਲ ਗੁਲਾਬ ਚੰਦ ਕਟਾਰੀਆ ਨਾਲ ਮੁਲਾਕਾਤ ਕੀਤੀ। ਉਨ੍ਹਾਂ ਰਾਜਪਾਲ ਨੂੰ ਅੰਮ੍ਰਿਤਸਰ ਦੇ ਵਿਕਾਸ ‘ਚ ਆ ਰਹੀਆਂ ਮੁਸ਼ਕਲਾਂ ਬਾਰੇ ਵਿਸਥਾਰ ਵਿੱਚ ਦੱਸਿਆ। Gurjeet Singh Aujla ਨੇ ਕਿਹਾ ਕਿ ਇਹ ਸਮੱਸਿਆਵਾਂ ਗੁਰੂ ਨਗਰੀ ਦੇ ਵਿਕਾਸ ਵਿੱਚ ਰੁਕਾਵਟ ਬਣ ਰਹੀਆਂ ਹਨ।
Gurjeet Singh Aujla ਨੇ ਰਾਜਪਾਲ ਗੁਲਾਬ ਚੰਦ ਕਟਾਰੀਆ ਨੂੰ ਮਸਲਿਆਂ ਬਾਰੇ ਲਿਖਤੀ ਤੌਰ ’ਤੇ ਜਾਣੂ ਕਰਵਾਇਆ। ਉਨ੍ਹਾਂ ਕਿਹਾ ਕਿ ਅੰਮ੍ਰਿਤਸਰ ਅਤੇ ਇਸ ਦੇ ਆਸ-ਪਾਸ ਦੇ ਖੇਤਰਾਂ ਦੀ ਭਲਾਈ ਅਤੇ ਤਰੱਕੀ ਲਈ ਫੌਰੀ ਕਾਰਵਾਈ ਦੀ ਲੋੜ ਹੈ। ਇਹ ਉਪਾਅ ਸੁਰੱਖਿਆ ਚਿੰਤਾਵਾਂ, ਆਰਥਿਕ ਚੁਣੌਤੀਆਂ ਅਤੇ ਖੇਤਰ ਦੇ ਸਮੁੱਚੇ ਵਿਕਾਸ ਨੂੰ ਹੱਲ ਕਰਨ ਲਈ ਜ਼ਰੂਰੀ ਹਨ।
Aujla ਨੇ ਇਨ੍ਹਾਂ ਮਾਮਲਿਆਂ ‘ਤੇ ਤੇਜ਼ੀ ਨਾਲ ਕਾਰਵਾਈ ਕਰਨ ਲਈ ਦਖਲ ਦੀ ਬੇਨਤੀ ਕੀਤੀ। ਇਨ੍ਹਾਂ ਸਮੱਸਿਆਵਾਂ ‘ਚ ਨਸ਼ਿਆਂ ਦੇ ਮੁੱਦਿਆਂ ਅਤੇ ਡਰੋਨ ਦੇ ਖਤਰੇ ਦਾ ਮੁਕਾਬਲਾ ਕਰਨਾ, ਭਾਰਤ-ਪਾਕਿਸਤਾਨ ਸਰਹੱਦੀ ਵਪਾਰ ਨੂੰ ਮੁੜ ਖੋਲ੍ਹਣਾ, ICP ਸਕੈਨਰਾਂ ਦਾ ਸੰਚਾਲਨ, ਬਾਰਡਰ ਬੈਲਟ ਉਦਯੋਗਾਂ ਲਈ ਆਰਥਿਕ ਪੈਕੇਜ, ਏਅਰਪੋਰਟ ਕਾਰਗੋ ਹੈਂਡਲਿੰਗ ਦਾ ਵਿਸਤਾਰ, ਹਵਾਈ ਸੰਪਰਕ ਵਿੱਚ ਵਾਧਾ, ਮੈਡੀਕਲ ਸਹੂਲਤਾਂ ਦਾ ਵਿਸਤਾਰ, IIT ਦਾ ਵਿਕਾਸ ਸ਼ਾਮਲ ਹੈ।
ਜ਼ਿਕਰਯੋਗ ਸੈਕਟਰ ਹੱਬ, ਸ਼ਹਿਰ ਦੇ ਟਰੈਫਿਕ ਪ੍ਰਬੰਧਨ ਅਤੇ ਬੁਨਿਆਦੀ ਢਾਂਚੇ ਨੂੰ ਅਪਗ੍ਰੇਡ ਕਰਨਾ, ਤੁੰਗ ਢਾਬ ਡਰੇਨ ਦੇ ਵਾਤਾਵਰਣ ਦੇ ਖਤਰੇ ਨੂੰ ਹੱਲ ਕਰਨਾ, ਭਗਤਾਂਵਾਲਾ ਡੰਪਿੰਗ ਦੇ ਮੁੱਦੇ ਨੂੰ ਹੱਲ ਕਰਨਾ, ਅਸਲਾ ਡੰਪ ਨੂੰ ਵਾਲਾ ਵਿਖੇ ਤਬਦੀਲ ਕਰਨਾ, ਕਿਸਾਨਾਂ ਦੀਆਂ ਫਸਲਾਂ ਦੀ ਸਮੇਂ ਸਿਰ ਲਿਫਟਿੰਗ ਦੀ ਲੋੜ ਹੈ।
ਇਸ ਤੋਂ ਇਲਾਵਾ Gurjeet Singh Aujla ਨੇ ਕਿਹਾ ਕਿ ਅੰਮ੍ਰਿਤਸਰ ਇੱਕ ਸਰਹੱਦੀ ਇਲਾਕਾ ਹੈ ਜਿੱਥੇ ਸਹੂਲਤਾਂ ਬਹੁਤ ਘੱਟ ਹਨ ਪਰ ਇਸ ਦੇ ਨਾਲ ਹੀ ਇੱਥੇ ਸੈਲਾਨੀਆਂ ਦੀ ਭਰਮਾਰ ਹੈ, ਇਸ ਲਈ ਜੇਕਰ ਇੱਥੇ ਇਹ ਸਮੱਸਿਆਵਾਂ ਹੱਲ ਹੋ ਜਾਣ ਤਾਂ ਸ਼ਹਿਰ ਮਹਾਨਗਰਾਂ ਵਾਂਗ ਤਰੱਕੀ ਕਰ ਸਕਦਾ ਹੈ, ਜਿਸ ਲਈ ਫੌਰੀ ਦਖਲ ਦੀ ਲੋੜ ਹੈ।
